Исакович Александра Гавриловна | Музей советских репрессий

Уладальнік: Віртуальны музей рэпрэсій на Беларусі. Месца: г. Лепель Ісаковіч Аляксандра Гаўрылаўна распавядае пра абставіны высылкі. Сям’ю дзеда, у якога было 5 сыноў і дачка з сем’ямі толькі таму, што была вялікая гаспадарка і дзед не хацеў яе драбніць паміж сынамі, у высылцы памерлі амаль усе. Саму Аляксандра Гаўрылаўну і яе сястру, якія нарадзіліся ў высылцы і паміралі там з голаду, выратаўваў толькі цуд.

1. Ісаковіч

Ікона, якая была з сям’ёй у высылцы

Уладальнік: Ісаковіч Аляксандра Гаўрылаўна Старая ікона маці Аляксандры Ісаковіч Кацярыны, якую яна вазіла з сабой у высылку. Каб захоўваць і перавозіць, маці закручвала яе ў вопратку. Ужо пасля высылкі, падчас змагання з іконамі, калі хадзілі з райкама па хатах і забіралі іконы, маці схавала Аляксандру разам з іконай у падпечак і выратавала яе.

Фатаздымак сям’і Ісаковіч да высылкі

Уладальнік: Ісаковіч Аляксандра Гаўрылаўна. Дата: другая палова 1920-х гг. Беларусь, Лепель Фатаздымак сям’і дзеда і бабкі Аляксандры Ісаковіч з чатырма сынамі і дачкой. Усе яны былі высланыя з Беларусі, в.Слабодка Лепельскага р-на ў 1930 годзе з сем’ямі ў Архангельскую вобл. на спецпасяленне і амаль усе памерлі, не вярнуліся з высылкі.

Фатаздымак у высылцы

Уладальнік: Ісаковіч Аляксандра Гаўрылаўна. Дата: сярэдзіна 1940-х гг. пас. Панты Архангельскай вобл. Маці Аляксандры Ісаковіч Кацярына з 2 дочкамі Аляксандрай і Валянцінай на высылцы. Падчас і пасля вайны там быў вялікі голад, і дзеці ўжо распухлі ад голаду. Маці хацела натапіць печку, каб угарэць з дзецьмі, але ў той жа дзень самалётам прывезлі муку і цукар, начальнік падзяліў людзям, і яны засталіся жывыя.

Даведка аб прызнанні пацярпелай ад рэпрэсіяў і рэабілітацыі

Уладальнік: Ісаковіч Аляксандра Гаўрылаўна. Дата 20.10.1993. Даведка, выдадзеная Ісаковіч Аляксандры Гаўрылаўне аб незаконным рэпрэсаванні яе бацькоў у 1930 годзе, аб тым, што яна нарадзілася ў 1937 годзе на спецпасяленні і аб прызнанні яе пацярпелай ад рэпрэсіяў і рэабілітацыі